Magadihon it asylum sa The Netherlands si dating presidential spokesperson Harry Roque.
Hinambae kara nga magatindog raya bilang sambato sa mga abogado ni dating Pangueong Rodrigo Duterte kaya nagdesisyon rayang pormal nga magdihon it asylum.
Ginakabig nga asylum-seeker ro sangka tawo nga nagapangayo it international protection.
Dugang pa kara nga kun ro aplikasyon nana hay nabaton eon hay may una eon imaw nga kinamatarong para sa “non-deportation” hasta ro imbestigasyon hay matapos.
Mageuwas pa kara hay mataw’an imaw it “non-prosecution” bangud sa illegal entry sa The Netherlands ag magapabilin rayang nakasueod it legal sa nasambit nga nasyon.
Madumdumang nadamay si Roque sa qualified human trafficking case kontra kay Cassandra Li Ong ag pilang mga katawo bangud sa POGO hub. May una man rayang standing arrest order halin sa House of Representatives matapos nga patawan it contempt ag ginsugo nga makulong bangud sa napas-eawang magsumite it mga dokumento para mapaathag ro anang biglang pagyaman.
