Haum ro  lokal nga gobyerno it Aklan nga obrahon nga mas madali ro pagsueod it  mga turista sa Isla it Boracay

KALIBO, Aklan—Haum ro  lokal nga gobyerno it Aklan nga obrahon nga mas madali ro pagsueod it mga turista sa Isla it Boracay.

Tuyo kara nga  makalikaw sa disturbo ag indi eon magpila it mabuhay ro mga bakasyunista.

Sa mga solusyon nga andang nakikita hay obrahon nga  automated ag online ro pagbayad it environmental ag terminal fee.

Suno kay Aklan Governor Joen Miraflores, makikipag-angot sanda sa LGU Malay angot sa pagpatuman it nasambit nga sistema.

Ro nasambit nga tikang hay kasunod sa ginaduso ni  Pangueong Ferdinand Marcos, Jr.  nga obrahon nga  digitalize ro transakyon sa bilog nga nasyon.

Kaibahan pa sa andang plano ro pag butang it  fast lane sa Caticlan jetty port paagto sa Cagban jetty port sa Boracay.