Nabakae it sangka Boston developer sa kantidad nga $1.5 million dollars ro sangka haunted house sa Rhode Island.
Naging sikat ro nasambit nga baeay matapos maging inspirasyon ro mga hitabu kara it 2013 horror movie nga “The Conjuring”.
Suno sa nakabakae nga si Nancy Nunez, owa imaw it plano nga gub-on ro haunted house ag plano nana nga padayunon ro naumpisahan nga business it dating tag-ana kara nga sanday Cory ag Jennifer Heinzen.
Dag-on 2019 nabakae it mga Heinzen ro haunted house ag gin-obra nanda raya nga tourist attraction para sa mga fans it pelikulang “The Conjuring”.
Kada gabi-i hay may paranormal investigation, sa agahon hay may mga day tours ag may nagakatabu man nga mga livestreaming events.
Owa sa mismong baeay nag-shooting ro “The Conjuring” apang sa mga kahaeadlukan nga natabu kara ko 1970s ginbase ro istorya it pelikula.
Suno kay Nunez, owa pa imaw it naexperiensiyahan nga kababalaghan sa nabakae nana nga haunted house.
Apang bilang bag-ong tag-ana, haum imaw nga raya hay maexperiensiyahan .
