Kalibo Aklan———Bangud sa COVID-19 pandemic, nakaangkon it hugut nga travel restriction ag health protocols sa bilog nga kalibutan nga nakaapekto sa maabung negosyo.
Sambilog sa grabeng naapektuhan it pagkalugi sa Japan hay ro mga haunted house nga paboritong bisitahon it teenagers sa theme parks idtu kada summer vacation.
Rason nga sa paeaabuton nga summer 2021 season sa Japan, ginlunsar it haunted house design company nga Kowagarasetai ro “Screambulance” sangka haunted house experience nga puwedeng ipadeliver sa baeay it customer!
Suno sa website it Ko-wagarasetai, pagadaehon nanda ro kahaeadlukan sa baeay pinaagi sa sangka makahaeadlok nga ambulansya nga ginamaneho it sangka zombie!
Sa sueod it makahaeadlok nga ambulansiya hay may 3D speakers nga makatao it realistic horror experience.
Ro pagkadisenyo it “Screambulance” hay nagsunod sa health protocols it Japan Ministry of Health, Labor and Welfare.
Ro pag-book sa nasambit nga serbisyo hay non-contact rason nga makasiguradong safe ro haunted house experience .
Nagabalor it 9,000 Japanese Yen ro “Screambulance” ag magabuhay ro haunted house experience it 15 minutes.
