Uman nga nagpangibabaw si Trae Young para bitbiton sa kadaeag-an ro Atlanta Hawks kontra sa Cleveland Cavaliers sa score nga 107-101 sa kakatapos eamang nga play-in tournament.
Naglista si Young it 32 points halin sa anang kabilugan nga 38 points sa second half agud nga daehon ro Hawks sa Eastern Conference bilang No. 8 playoff seed.
Ro kadaeag-an it Atlanta hay sa pihak nga nag-angkon it knee injury ro andang center nga si Clint Capela.
Sa third quarter pa eamang hay kumamada eon si Young it 16 points para i-angat ro Hawks halin sa 10-point halftime deficit.
Nagbulig man si Bogdan Bogdanovic nga naglista it 19 points para sa Atlanta.
Bangud sa kompleto eon ro waeong teams sa playoffs makasambuwa it Hawks sa first round ro No. 1 seed nga Miami Heat.
Ro Game 1 hay pagahiwaton sa Lunes sa homecourt it Heat sa South Florida.
Kung madumduman, ko nagtaliwan nga dag-on hay nag-abot pa sa conference finals ro Hawks.
