Ginbuksan sa publiko ro haya ni Negros Oriental Governor Roel Degamo agud nga makit-an imaw sa ulihing panyempo it mga pumueoyo.
Suno kay Elna Mariño, dating Bombo volunteer ag naga-istar makaron sa Dumaguete City nga plano man nanda nga magbisita sa haya it opisyal matapos nga gin-anunsyo it pamilya ro pag-angkon it public viewing umpisa ko adlaw it Lunes.
Sa makaron suno kana hay waea-tuo ro mga checkpoints sa mga karsadahon hasta sa panimaeay it gobernador bilang proteksyon eon man sa pamilya ag sa mga pumueoyo nga nakikipagsimpatiya.
Ginpahayag dugang ni Mariño nga makit-an sa hitsura it publiko ro kahadlok ag kabaeaka bangud nga makaron pa eamang natabo ro kaparehas kara nga insidente nga imbolbado ro opisyal it probinsya ag nadaeahig ro iba pang sibilyan.
Nasayuran nga ginakondena it gobyerno ro pagpamaril-patay sa opisyal kaibahan ro ibang sibilyan ag diretsahan nga ginaangot sa pulitika ro nasambit nga insidente.
