KALIBO, Aklan — Makaangkon it tema nga “Christmas Around the World” ro opening of lights it lokal nga gobyerno it Ibajay nga mas kilaea sa tawag nga “Hayag Ibajay.”
Suno kay Erico Condez it LGU Ibajay ag event coordinator nga maga-transform sa wonderland pinaagi sa gintakod nga mga kahayag ag mga dekorasyon ro Gavino Solidum Park sa oras nga mapatigayon ro ceremonial switch-on it higanteng Christmas tree ag mga iwag sa palibot it plaza nga pagasundan it magarbong fireworks.
Iga-showcase kara ro kaeabanan nga tourist destination nga makita sa sangka nasyon nga napilian nga maging tema it andang dekorasyon.
Raya sigon hay naging tradisyon eon it mga Ibajaynon kada Disyembre bilang kaparte it holiday celebrations it banwa.
Sa makaron nga dag-on hay naging kabulig sigon nanda ro Department of Education ag Aklan State University Ibajay campus .
Tanan nga gastos kara hay gin-subsidize it LGU.
Ginpahayag dugang nga magatau it dugang nga kasadyahan sa mga bisita ro gin-imbitahan nga “Nuno sa Punso Reggae Band” kaibahan si DJ Tobby ag MC Van para sa opening of lights party.
Kadungan kara ro paglunsar it andang kauna-unahan nga boulevard food festival.
