KALIBO, Aklan — Mayoriya sa mga kongresista ro nagasuporta sa House Bill 2286 nga may tinotuyong dueaon ro gahum it pagbawae it Clean Air Act sa incineration ukon pagsunog it basura.
Suno kay Aklan Representative Carlito Marquez, naga abot sa 109 nga kongresista ro nagpahayag it suporta kara kaeakip eon sanday Congresswoman Gloria Macapagal-Arroyo ag House Speaker Pantaleon Alvarez sa gin patigayung deliberasyon.
Suno pa kay Marquez nga gina madali eon nanda nga mapadaea ro proposisyon sa Senado bangud sa naga grabeng problema it basura sa nasyun.
Maga abot sigon it P100-million ro iga tukod nga waste-to-energy facilities nga maga krear it enerhiya pinaagi sa pagsunog it basura.
Ro nasambitang teknolohiya sigon hay presenteng ginagamit sa South Korea ag Singapore.
Gin pahayag pa ni Cong. Marquez nga mabahoe nga bulig sa nasyun engkasong eubusan nga maaprubahan ro HB 2286.
