KALIBO, Aklan—Hugut nga ginapatuman ro mga health and safety protocol kontra sa pagkalhit it COVID-19 rason nga ro banwa it Madalag ro may pinakamanaba nga nailistang kaso it makamaeatay nga sakit sa probinsiya it aklan matapos nga magtuhaw ro pandemya.
Suno kay Madalag Mayor Al Dindo Gubatina nga sa makaron hay naga abot eon sa 53 ro andang kabilugan nga kaso.
Sa nasambit nga numero, 40 kara ro nagmayad sa sakit samtang 10 ro aktibong kaso kun sa siin ro 8 hay naka-facility quarantine ag 2 ro admitted sa ospital.
Sa waeo nga bag-ong kaso nanda makaron nga adlaw it lunes, pito sigon kara ro magpamilya rason nga insigidang ginpaidaeum sa mandatory nga 14 days quarantine.
Samtang, gintugyan sigon nana sa kada barangay kapitan ro pag-isyu it travel pass bangud nga sanda ro eubus nga nakakilaea sa andang mga nasakupan.
Hugut man sigon ro andang monitoring sa andang barangay border control kamana man ro pagbantay sa mga pagpatuman it health protocols kapareho it pagsuksok it face mask, face shield ag physical distancing.
