KALIBO, Aklan—Ginpasiguro ni Kalibo mayor Emerson Lachica nga padayun ro hugut nga pagbantay it mga kapulisan sa banwa it Kalibo agud nga mapatumam ro minimum health standards and safety protocols matapos nga ginpaidaeum ro Aklan sa Alert Level 2.
Raya hay matapos nga mataeupangdan nga matsa owa eon it pandemic sa sueod it kalibo pastrana park kada gabi-i sa pagbuhos it mga tawo.
Suno kay mayor Lachica nga may mga pulis nga nakadeploy sa lugar ag nagagamit it megaphone agud nga mapadumdum ro mga tawo sa tanan nga oras sa pagsunod sa patakaran eabi eon ro physical distancing ag pagsuksok it facemask.
Gindugang pa kara nga padayun nga naka alerto ro kapulisan agud nga masiguro ro kaeowasan it mga pumueuyu kontra sa deadly virus.
Angot kara, naghinyu man raya sa publiko it kooperasyon.
Sa pihak nga parte, gindugang pa ni mayor Lachica nga sambilog sa andang ginapahauman sa makaron hay ro dag-unan nga pagpaiwag it higanteng christmas tree sa Kalibo Pastrana Park sa maabot nga Disyembre 1 nga ginbansagan nga “Iwag it Kalibonhon sa Mahayag na Paaeabuton”.
Posible man sigon nga igapaabot nanda sa regional inter-agency task force kon pwede eon nga makapatigayon it ati-atihan festival sa enero 2022.
