KALIBO, Aklan—Uman nga nagpadumdom ro Department of Trade and Industry (DTI) nga dapat sa gihapon sundon it mga restaurants ag fastfood chains ro health ag safety protocols.
Sandig raya sa ginpaguwa nga memorandum circular 20-37 it DTI.
Suno kay Carmen Iturralde it DTI-Aklan nga ro mga restaurant sa una sa lugar nga ginpaidaeum sa modified general community quarantine (mgcq) hay ginapasugtan eun nga magbatun it dine-in customers apang may mga limitasyon.
Kaeakip kara ro sang metrong physical ukon social distancing. Pagbutang it foot bath, alcohol ag sanitizers nga available para sa mga costumer nga nagasueod.
Owa man sigon nanda ginarekomenda ro face-to-face seating sa mga indi makasarang magbutang it protective dividers.
Pwede man nga magpatuman it digital payment scheme.
Sakop it guidelines ro tanan nga food establishments maging ro mga karinderya tuyo sigon kara nga masanay ro publiko so ‘new normal.
Gin-insister man kara mga pwedeng ipasarado it DTI ro mga food establishment nga owa nagasunod sa bag-ong guidelines.
