Ginpaathag it sangka health expert nga ro E. coli ukon Escherichia coli hay kaeabanan nga makit-an sa mga higku it tawo ag mga sapat.
Suno kay Dr. Philip Ian Padilla, professor of microbiology sa university of the Philippines visayas nga maskin nga kaabuan sa mga strain it E. coli hay bukon it makahaealit, pila sa mga raya hay posibleng magtuga it mga sakit kapareho it gastroenteritis, typhoid fever, ag dysentery.
Pwede man sigon nga mapatay ro isang unga bangud sa dehydration tuga it sakit halin sa mahigku nga tubi.
Mag eowas kara, may posibilidad man nga mabiktima it food poisoning kon ro gingamit nga tubi sa pag-eaha it pagkaon hay kontaminado it e-coli.
Raya hay kasunod it ginpaguwa nga test results it Microbiological Analysis it Department of Health (DOH) Western Visayas Center for Health Development kon sa siin nag-positibo sigon sa Coliform ag E-coli bacteria ro supply it tubi it Metro Kalibo Water District nga nagatubod sa mga gripo it pilang kabaeayan sa banwa it New Washington.
Dugang pa ni Dr Padilla nga maskin nga bukon man it maka-alarma ukon nagatuga it grabeng kahalitan sa ikamayad nga eawas, apang indi dapat nga balewalaon ro E.coli bacteria.
