Kalibo Aklan —– Maskin nga owa ginsibak, apang ginpinahan sa gihapon ro opisyal it Department of Health it New Zealand bangud sa pag-eabag nana sa ginapatuman nga lockdown tuga it paeag it coronavirus disease 2019 (COVID-19).
Ginpahayag nga owa ginbaton ni New Zealand Prime Minister Jacinda Arernd ro offer it ginpinahan nga opisyal nga si Health Minister David Clark, nga mag resign sa puwesto bangud sa anang gin-obra.
Sa pag-umpisa it pagpatuman it lockdown sa andang nasyon, gindaea sa gihapon ni Clark sa beach ro anang pamilya samtang ro mga kababayan nanda hay ginmanduan nga magpabilin sa andang natungdan nga mga baeay.
Aminado man si Clark nga saea ro anang ginhimo ag naintindihan sigon nana kon ham-an nga naakig kana ro mga tawo.
Bangud nga gusto ni Arernd nga magapabilin ro andang atensyon nga mapanaba ro kaso it COVID-19 sa nasyon, owa nana ginbaton ro tanyag ni Clark nga magresign .
Apang ginbutang nana sa pinakamanabang rangko ro posisyon ni Clak sa Gabinete ag ginbo-oe ro anang papel bilang associate finance minister.
