KALIBO, Aklan—Maayos eon ro kahimtangan it sangka healthcare worker nga kauna-unahan nga covid 19 positive it banwa it New Washington.
Suno kay Dr. Daystar Sedillo, Municipal Health Officer it banwa it New Washington nga ko Setyembre 19 hay nakabaton sanda it report angot sa pagpositibo sa sakit it nasambit nga pasyente nga nagatrabaho sa Aklan Provincial Hospital.
Makabig sigon raya nga symptomatic matapos nga makitaan it pag-euya it eawas.
Insigida sigon sanda nga nagpatigayon it contact tracing sa mga posibleng nakasalamuha kara.
Ginasugid nga Setyembre pa 7 ro ulihing adlaw nga nagtinir sa andang baeay sa brgy. tambak ro pasyente bangud nga idtu eon raya nag tinir sa staff house.
Apang ko Setyembre 16 hay nakaangkon it sintomas ag gin-swab test .// nagapabilin raya sa quarantine facility it Provincial Government ag nagapamayad eon halin sa sakit.
Makabig man sigon nga low risk ro anang pamilya bangud nga owa man imaw masyadong naga-uli sa andang baeay.
Sa pihak kara, padayun ro pag-monitor it andang staff ag barangay health emergency response team ukon BHERTs sa pamilya it pasyente.
Aa pangkabilugan , nagapati si dr sedillo nga protektado gihapon ro andang banwa.
Samtang, mag-eowas sa mga ginplastar nga precautionary measures sa andang opisina, online consultation sigon ro anang ginahimo makaron.
Ginlaygyan man nana ro tanan nga pabaskugon ro immune system agud nga makalikaw sa anuman nga klase it sakit.
