KALIBO, Aklan —- Nagbisita sa Isla it Boracay ro hepe it Department of Environment and Natural Resources Acting Secretary Jim O. Sampulna.
Nakipagpueong imaw sa Boracay Inter-Agency Rehabilitation and Management Group General Manager Martin Despi may kaangtanan sa nabilin pang development work sa Wetland No. 4 sa Boracay.
Raya hay sambilog sa siyam nga wetlands sa isla nga natigayon nga mabawi bilang kaparte it nagapadayun nga rehabilitasyon ag Adopt a Wetland program it DENR.
Ro sangka ektaryang lagoon hay gin-adopt it Aboitiz Group ag ginpangaeanan nga Balabag Wetland Park.
Ginbutangan raya it promenade ag gintamnan it mga puno it kahoy ag mga tanum nga eubus nga kinahangean agud nga mabuhi it uman ro biodiversity it isla.
Kaibahan sa nag-inspeksyon sa lugar si Aklan Provincial Environment and Natural Resources Officer Merlene Aborka ag Boracay OIC Community DENR Officer Rhodel Lababit.
