SPORTS News — Ginapahauman eon it City of Manila ro hero’s welcome para kay Carlos Edriel “Caloy” Yulo kasunod it makasaysayan nga pagboesa it daywang gold medals sa vault ag floor exercise sa artistic gymnastics sa Paris Olympics 2024.
“The grandest welcome will greet him and all our Paris Olympians. When we meet him, we will present Carlos Yulo cash incentives, awards and symbols of the eternal gratitude of the proud Capital City of the Philippines,” pahayag ni Mayor Honey Lacuna kasunod ro pagtumod sa 24-anyos nga gymnast nga tumandok it Malate.
Nagpromisa man ro city government it financial rewards ag iba pa nga pagkilaea kay Yulo.
Sa idaeum it Republic Act 9064 ukon National Athletes, Coaches and Trainers Benefits and Incentives Act, ro Olympic gold medalist makabaton it P10 million (tax-free) ag Olympic Gold Medal of Valor nga halin sa Philippine Sports Commission.
May una man nga real estate firm nga nagpromisa it P24-million condominium unit sa Taguig City para sa gold medalist.
Maabu nga iba pang insentibo ro nag-tanyag kapareho it medical doctor nga nag-promisa it free consultations and laboratory tests, small-time entrepreneur nga may free tapsilog meals (for life), may free buffet halin sa sangka food company, may unlimited airfare ag gasolina, ag maabu nga iba pa.
Sa Kamara, may inisyal nga P3 million incentive ag congressional medal sa anang exceptional achievement.
May igatau man ro Kamara nga P2 million sa silver medalists ag P1 million sa bronze medalists.
Si Yulo hay ginakilaea makaron nga:
Una nga Filipino athlete nga nakadaog it daywang gold medals sa Olympics
Una nga Filipino athlete nga nakadaog it daywang gold medals sa sangka edisyon eamang it Olympics
Una nga nakatau it Olympic medal sa Pilipinas sa artistic gymnastics ag una nga eaeaki nga Pilipino nga atleta nga nakadaog it Olympic gold
Ro Paris Olympics hay ginakabig ni Caloy nga redemption sa Pinoy pride matapos nga bumagsak ro anang karera haeos sang dag-on eon ro nagtaliwan kat owa it maskin anuman nga medalya nga gin-uli sa World Artistic Gymnastics Championships.
