Hugut nga ginpamalibaran it grupong Hezbollah sa Lebanon ro panibag-ong ceasefire deal nga suportado it Estados Unidos sa tunga it Israel ag Lebanon.
Suno kay Naim Qassem, lider it grupong suportado it Iran, owa it naging pueos ro negosasyon ag nagatuga eamang it kahuy-anan sa Lebanon.
Ginpamilit man nana nga maeapnagon ro pagkontra it mga pumueuyu sa nasambit nga kasugtanan.
Sa idaeum it kasugtanan, magatukod it mga pilot security zone sa sueod it Lebanon kun sa siin, ginabawae ro presensya it mga operatiba it Hezbollah. Kaibahan man sa mga kondisyon ro pagpundo it grupo sa mga pag-atake kontra sa Israel.
Samtang, ginpahayag ni US President Donald Trump nga nakipag-istorya imaw sa Hezbollah ag kay Israeli Prime Minisyter Benjamin Netanyahu ag may nakikitang pag-umwad sa isyu.
Sa pihak kara, gin-insister ni Qassem nga ro kasugtanan hay katumbas it pagsurender ag magatau eamang it daean agud nga maangkon it Israel ro mga katuyuan kara.
