Kalibo Aklan ——Bangud sa lockdown sa India, maabu nga pamilya idtu ro nagapatubo eon it prutas ag tinuea sa andang natungdan nga mga panimaeay.
Owa ginaeauman it sangka pamilya sa Kerala, India nga pwede sanda nga makaangkon it Guinness World Record bangud sa andang puno it eangka sa guwa it andang baeay.
Natukiban nanda nga nagbunga ro andang puno it sangka higanteng eangka nga 51 kilo ro timbang.
Nagdesisyon si John Kutty nga miyembro it pamilyang nagapanag-iya it puno nga mag apply sa Guinness World Record bangud nga nabasa nanda nga kapin sa 42.72 kilo eamang ro presenteng record holder para sa pinakamabug-at nga eangka sa kalibutan .
Tiempo man ro pagkatukib sa 51 kilo nga bunga bangud nga sueod it mga balita makaron sa india ro eangka.
Maabu ro nagahambae nga mayad ro eangka nga replacement sa karne eabi eon makaron nga eapnaag ro coronavirus.
Madali sigon nga tamaan it impeksyon ro mga mahilig sa karne .
