Balitang Espesyal——–Agud nga makabawi sa kawad-an it mga foreign tourists hay sangka Michelin-starred nga restaurant sa Hungary ro nagpatigayon it sangka pakaon sa sambilog sa pinakamabahoe nga ferris wheel sa Budapest.
Ginpatigayon it restaurant nga Costes ro event sa Budapest Eye agud nga magarantiya nana sa mga parukyano nga sanda hay magakaon sa sangka coronavirus-proof nga lugar.
Suno sa nagapanag-iya it Costes nga si Karoly Gerendai, perpekto sigon ro ferris wheel nga magaserbing temporaryong restaurant makaron nga may pandemya bangud nga may indibidwal sigon raya nga mga cabin kun sa siin pwedeng magsolo ro mga customer ag ro mga kaibahan nanda.
Masarangan sa boesa ro presyo it ticket para sa kakaibang dining experience it 48,000 forints (katumbas it Php 7,500 pesos).
Sa pihak it presyo kara, madasig sigon raya nga na-sold out suno kay Gerendai eabi pa ag maabu sigon ro excited nga makapaeagiaw halin sa mga restriksyong tuga it pandemya.
