Mga daegkuan nga humbak ro humampak sa pilang ka mga lugar sa Hawaii Island matapos nag magpaeanasa ro sangka higante nga swell waves ku nagtaliwan nga Sabado, Hulyo 16, 2022 hasta it Dominggo Hulyo 17, 2022.
Umabot sa 18 hasta 24 feet ro naging kataason it nasambit nga humbak kung siin nagpang-eapaw raya sa mga two-storey townhouse nga maeapit sa baybayon it Keauhou-Kona, Hawaii.
Suno sa National Weather Service , bangud sa naga grabe nga climate change rason nga nag-eontad ro makasaysayan nga swell wave kung siin nakalista it kapin sa 1,960 ro hatigayon nga ginrescue sa may Oahu beaches.
Sa pihak nga parte nagtuga raya it danyos sa pilang ka mga establisyemento, panimaeay ag mga daeanon nga maeapit sa mga baybayon.
Samtang, sangka reception it kasae man ro sambilog sa naapektohan it swell waves.
Makabig nga makasaysayan ro nag-eontad nga higanteng swell waves bangud matapos ro pilang ka mga dekada hay uman nga na-eksperyensyahan raya it mga pumueoyo ag bisita.
