Ginrekomenda eon it Bureau of Immigration nga ibutang sa blacklist ro Australian national nga high profile hacker sa andang nasyon.
Kasunod raya it pagbaeabag it Bureau of Immigration (BI) sa Australian hacker nga makasueod sa Pilipinas.
Ginpahayag ni BI Commissioner Norman Tansingco, ro Border Control and Enforcement Unit (BCIU) it Immigration bureau ro nakabaeabag sa suspek nga si Risteski Borche, 40-anyos.
Sakay raya it Cebu Pacific flight maghalin sa Sydney, Australia sa Ninoy Aquino International Airport Terminal 3.
Si Risteski hay Australian apang Macedonian ro mga ginikanan hay subject it interpol alert.
Si Risteski hay ginapahayag nga wanted sa Macedonia bangud sa bukon it otorisadong pagsueod kara sa andang computer system nga pag-eabag sa Article 251 it criminal code it Republic it Macedonia.
Magapangatubang man ro suspek sa ap-at dag-on nga pagkueong sa nasambit nga nasyon..
