Sa masunod nga dag-on, igalunsar eon sa Japanese market ro ‘‘smart spoon and bowl’’ nga makasarang nga magdugang it aeat sa pagkaon nga owa eon nagagamit it asin.
Ko Abril 2022, gin-anunsiyo it mga developers sa Meiji University ag Kirin Holdings nga nakapag-imbento sanda it “smart chopstick” nga makasarang nga magpa-aeat it pagkaon para sa mga health conscious nga nagalikaw sa sodium ukon asin.
Apang sa maeapnagon nga test drive it mga inventor it “smart chopstick”, nataeupangdan nanda ro sangkiri nga aeat eang ro ginadugang kara sa pagkaon.
Rason nga naisip it mga scientists nga nakapag-imbento kara nga mas mapuslan ro nasambit nga teknolohiya kon pagagamitan nanda raya it kutsara ag maeukong.
Naga-gana ro “smart spoon and bowl” pinaagi sa mahinang wavelength it kuryente halin sa rechargeable batteries kara.
Bangud sa kuryente, igapasa kara sa pagkaon ro mga ions kapareho it sodium chloride nga nagiging trigger sa dila para makalasa it sense of saltiness.
Gamit ro nasambit nga “smart spoon and bowl”, nagiging 1.5 times saltier ro pagkaon nga owa nagagamit it asin.
Raya hay tama para sa mga tawong may high blood pressure, sakit sa bato ag heart problems.
Raya hay pagatawgon nga Erekisoruto ag igabaligya next year sa Japan.
Owa pa gina anunsyo ro magiging presyo sa merkado apang ginapromisa it Kirin Holdings nga magiging masarangan sa boesa ro price tag kara.
