KALIBO, AKLAN — Nag surrender ro high value target 3 it Aklan Police Provincial Office ag presenteng Sangguniang Bayan member it Malay, Aklan nga imaw ro may hurisdiksyon sa isla it Boracay.
Si SB member Dalidig Yap Sumndad, alyas “Datu” hay nagsurender kay PNP Region 6 Director, PCSupt. Cezar Binag agud nga limpyuhan ro pangaean nga naeakot sa droga.
Suno kay SPO1 Nida Gregas, tagapaghambae it APPO nga si Sumndad hay kaibahan sa ginkatok ko Oplan Tokhang.
Ginkalipay sigon nanda ro pagguwa it konsehal kamana man ro ginpasiguro nga suporta ag kooperasyon sa pulisya sa ginlunsar nga giyera kontra sa droga nga imaw ro nagapangunang kampanya it administrasyong Duterte.
Samtang, ginhinyu sigon it opisyal sa PNP nga imbestigahan kon may eamod pumulitika ro pagkaeakot it anang pangaean sa iligal nga droga.
