KALIBO, Aklan–Mas pang ginpabaskog it Highway Patrol Group (HPG) ro andang pagbantay sa mga nagapangunang daeanon sa bilog nga probinsya it Aklan.
Suno kay Police Captain Nathaniel Florendo, Provincial Officer it HPG-Aklan, regular sanda nga nagapatigayun it inspkesyon sa mga national highway para siguraduhon nga nagasunod ro mga motorista sa batas-trapiko.
Raya nga tikang hay para malikawan ro anumang disgrasya sa karsada ag masiguro ro kaeuwasan it mga motorista.
Kaeabanan sigon sa andang ginasita hay ro mga rider nga nagamaneho nga owa lisensya, owa it rehistro ro motorsiklo ag owa it suksok nga helmet.
Angot kara, ginkalipay man ni Captain Florendo ro sangkiri nga numero it mga road violator sa tunga it pagpanaeasa it COVID-19 pandemic.
Masobra 50 porsyento sigon ro andang nailistang pagnaba kumpara ko tyempo nga owa pa it pandemya kun sa siin nakaka-apprehend sanda it kapin sa 30 nga violators kada adlaw.
