-- ADVERTISEMENT --
KALIBO, Aklan— Patay eon kat masapwan ro sangka eaeaki matapos nga mahueog sa sapa sa Sitio Banlok, Barangay Manhanip, Malinao, Aklan.
Ginkilaea ni SPO2 Eriberto Icayan Jr. it Malinao Police Station ro biktima nga si Bernardo Ibesate, 61, ag residente it nasambitang lugar.
Base sa imbestigasyon it pulisya, nakit-an pa sigon ro hilong nga biktima nga nagtabok sa tulay nga butong matapos magbakae it bugas sa sangka tindahan.
Ginapatihan nga nawad-an raya it balanse samtang nagatabok tuga it anang kahilungon nga naging kabangdanan it anang pagkahueog.
Nakit-an eon lang ro bangkay it biktima nga naga-eotaw sa nasambitang sapa.
-- ADVERTISEMENT --
Samtang, ginaimbestigahan pa gihapon it pulisya ro insidente.
