KALIBO, Aklan—Hilway pa gihapon nga makahueag ro mga biyahero sa bilog nga isla it Panay maskin nga ginpaidaeom sa Enhanced Community Qurantine (ECQ) ro probinsya it Iloilo.
Suno kay Provincial Administrator Selwyn Ibarreta nga naeakip sa bag-ong mandato nga pwede pa gihapon nga maka-adto ro mga Aklanon sa kaeapit nga mga probinsya sa Western Visayas nga owa it ginapakitang negatibo nga resulta it RT-PCR test ag travel documents.
Nag-abiso eon sigon sanda sa mga otoridad nga striktuhan ro pagsikyar it body temperature sa pagsueod it mga byahero sa Aklan eabi eon ag may nailista eon nga kaso it makataeapon ag makamaeatay nga Delta variant it COVID-19 sa Antique.
Angot kara, padayun man ro pag-apela it gobyerno sa mga pumueoyo nga padayun nga magsunod sa ginapatuman nga minimum health protocols ag magpabakuna agud nga malikawan ro pakalhit it dealy virus.
