Ginpamalibaran it Pasig Regional Trial Court Branch 159 ro hinyo ukon mosyon it kampo ni KOJC Leader Pastor Apollo Quiboloy nga pasugtan ro pastor nga magpasueod it bisita sa ospital.
Suno kay PNP PIO Chief PBGen Jean Fajardo, nakabaehag sa ginpaguwa nga mando it korte nga sangka tawo eamang ro pasugtan nga magbantay kay Quiboloy sa Philippine Heart Center ag maging ro mga abogado kara hay inde man pwedeng magsueod.
sa makaron, idto gihapon ospital si Quiboloy ag base sa mando it korte, magapabilin ro pastor sa ospital ag ibalik sa PNP Custodial facility sa November 16 alas singko it hapon.
Suno pa kay PBGen Fajardo, may pilang medical abstract eon nga ginpadaea sa PNP ag ginahueat eon lang matapos ro tanan nga tests para sa findings ag masunod nga desisyon it korte.
