Ginatutukan it Department of Trade and Industry (DTI) ro hinyu it mag bread ag canned sardines manufacturers nga taasan ro suggested retail prices (SRP).
Ginpahayag ni Assistant Secretary Ann Claire Cabochan it Consumer Protection Group it ahensya nga ro mga manug-ubra it tinapay hay nagahinyu nga mas taasan ro SRP para masakop man ro pagtaas it mga gastos it trigo.
Dugang pa ni Cabochan nga nagtaas eon ro SRP it mga manufacturer it sardinas sandig sa ulihing ginpaguwa nga SRP bulletin it DTI ku nagtaliwan nga Mayo 11.
Ginklaro man it opisyal nga paga-ubrahan nanda it pamaagi nga mapabilin nga manaba ro pagtaas it presyo it mga nagapanguna nga baeakeon.
Sa pihak nga parte mataeopangdan man ro inflation gay nagsaka eon sa 5.4 percent ku nagtaliwan nga Mayo samtang ro mga presyo it pagkaon ag gasolina hay padayon man nga nagtinaas.
