Nagapahaum sa makaron ro Biden administration nga mas pabaskugon pa ro mga klase’t armas nga igasumbil kara sa Ukraine.
Raya hay pamaagi sa pagpadaea it mga advanced, long-range rocket system nga nagapangua sa makaro nga ginahinyu maghalin sa mga opisyal nga Ukrainian.
Ro administrasyon hay haum nga magpadaea it mga sistema bilang kaparet it sangka mas mabahoe nga package it military ag security assistance sa Ukraine, nga posibleng igapahayag eagi sa masunod nga dominggo.
Ro mga mataas nga opisyal it Ukraine, kaibahan si Ukrainian President Volodymyr Zelensky, hay nagahinyu ku nagtaliwan nga mga dominggo para sa US ag mga kaalyado kara nga itao ro Multiple Launch Rocket System ukon MLRS.
Ro mga sistema it armas nga ginhimu it US hay posibleng makapaeupok it sangka barrage it mga rocket ginatos nga kilometro – mas maeayo kumpara sa alin man sa mga sistemang may una eon ro Ukraine.
Sa pihak nga parte,nauna eon nga nagguwa ro balita nga kueang eon it pwersa ag mga armas ro Ukrainian forces
