Napas-eawan si suspended Bureau of Corrections (BuCor) Director General Gerald Bantag sa anang hinyu nga maisaylo sa Ombudsman ro ginapangatubang nga kaso.
Ginbasura it Department of Justice (DOJ) ro motion for reconsideration rason nga igapadayun ro pag-imbestiga sa kasong murder ni Bantag kaangot sa pagpatay sa broadcaster nga si Percival Mabasa ukon Percy Lapid.
Nagtaeana man it pagpamati sa Pebrero 8 para sa pagsumite it mga ginkasuhan it andang counter-affidavit.
Apang, suno sa kampo ni Bantag nga pagatun-an pa nanda ro andang mga opsyon.
Suno kay Atty. Rocky Balisong, abogado ni Bantag, ginarespito nanda ro disposisyon it panel of prosecutors rason nga nagaeaum sanda nga paga-respituhon man ro mga paga-ubrahon nanda nga tikang nga sandig man sa mga laye.
Apang, suno sa DOJ kung napas-eawan ro mga ginkasuhan it andang counter-affidavits posibleng isumite eon nanda ro kaso para mataw-an it resolusyon bangud limitado eamang ro tyempo sa pagpatigayun it preliminary investigation.
