KALIBO, Aklan—Ginkumpirma ni Malay Acting Mayor Frolibar Bautista nga uwa ginkonsidera it Boracay Inter-Agency Task Force (BIATF) partikular ni Department of Environment and Natural Resources (DENR) Sec. Roy Cimatu ro andang hirit nga maibalik ro ginabantayang bonggang fireworks display sa New Year’s Eve sa isla.
Suno kana, nagpanindugan ro task force sa Executive Order 28 ni Pangueong Rodrigo Duterte nga ginabawaean ro anumang firecrakers ag fireworks display sa pagsug-aeaw it Bag-ong Dag-on kapin eon kon igapatigayon raya sa dagat.
Pwede sigon nga magpatigayon it fireworks display apang kapin sa 500 meters dapat ro kaeayuon kara halin sa shoreline kon sa siin, uwa eon raya it “trill” bangud raya eamang ro gusto ag ginadayo it mga turista sa nasambitang isla kada New Year’s Eve.
Bangud kara, nagkasugot eon lang ro mga opisyales it banwa nga sa mainland Malay pagahimuon ro fireworks display agud dueoeongan nandang sug-aeawon ro dag-on 2020.
