Ginpasigurado ni Philhealth Pres. ag CEO Emmanuel Ledesma, Jr. nga suportado nanda ro ginaproponer nga buhinan ro kontribusyon it mga miyembro it Philhealth.
Ginhimo ni Ledesma ro pahayag kadungan it naging statement ni Senate President Francis “Chiz” Escudero kung siin hay nagapanindugan ro senador nga masarangan nga mabuhinan ro mandatory contributions it tanan nga miyembro it Philhealth.
Suno kay Escudero, naga-abot sa masobra P500-B ro reserved fund it Philhealth rason nga posible raya nga ipatuman.
Paathag man ni Ledesma, sa makaron hay ginahueat eon lang nanda nga matigayon nga mapasa sa mataas nga kapueungan it kongreso ro sangka proposisyon nga pag-amyenda sa Universal Health Care Law.
Katuyuan it bill nga mapanaba sa 3.25% ro mandatory contribution it sangka miyembro it mismong insurance company.
Ginpasiguro pa it opisyal nga haom sanda nga igapatuman ro mismong panawagan sa oras nga mapasa ro nasambit nga proposed bill.
