HEALTH News–Gin engganyo it senado ro Department of Health (DOH) nga tun-an ro posibilidad nga pasugtan ro mga dumueuong nga doktor nga temporaryong makapagpraktis sa Pilipinas.
Ginpaathag ni Senador Francis Tolentino nga siguradong magapanipueos ro local medical industry engkaso nga pasugtan ro mga dumueuong nga doktor nga magsanay sa nasyon bukon eamang pag abot sa pagbaeayluhan it mga ideya, kundi pati man sa aspeto it ‘transfer of technology.’
Gindugang pa ni Tolentino, maabung foreign doctors nga nagapabutyag nga magapatigayon it medical practice sa nasyon, apang ro presenteng protective policy ro nagapugong kanda nga raya hay obrahon.
Ginsambit man ni Health Secretary Teodoro Herbosa ro anang experiensiya kato samtang nagatrabaho imaw sa Malaysia bilang visiting professor sa sangka medical university kun sa siin ro Philippine medical license ag ro anang akreditasyon sa Philippine Medical Association hay bastante eon agud nga makapag-practice it medisina idtu.
Makikipag angot sigon si Herbosa sa Professional Regulations Commission (PRC) sa posibilidad nga haeugaan ro presenteng licensing rules agud nga pasugtan ro mga foreign doctors nga temporaryong magpraktis it andang propesyon sa nasyon.