LEZO, Aklan — Padayun nga gina-imbestigahan it kapulisan ro hit-and-run incident nga ginkanina it mag asawa nga sakay it sangka motorsiklo sa crossing Bagto, Lezo , hapon it Biyernes, Hunyo 13.
Suno kay P/Capt. Gilbert Batiles, hepe it Lezo Muncipal Police Station nga halin sa direksyon it Numancia ro mag asawang sakay it motorsiklo ag magapa-uli eon kunta sa andang baeay sa Brgy. Tambuan, Malinao kat bungguan it kulay itom nga kotse.
Sa mayad nga swerte ag owa napuruhan ag puro minor injuries eamang ro andang naangkon nga gin refer man sa out patient department.
Gulpi eamang sigon nga nagsoepot ro kotse nga Honda crv nga kulay itom nga paagto sa direksyon it Tigayon Kalibo.
Imbes nga balikan hay nagdere-deretso raya it pagmaneho sa anang saeakyan maskin nga nakita nana nga inapok ro sakay it nakabungguan nga motorsiklo.
Apela ni Capt. Batilos sa driver it kotse nga boluntaryong magsurender eon sa andang estasyon bangud nga natumod eon nanda ro plate number kasunod it ginpatigayon nga backtracking sa mga CCTV footages sa lugar.
Padumdum man nana nga magdahan kon mag agi sa lugar bangud nga ginakabig raya nga accident prone area tuga it intersecton nga karsada nga naga-x rason nga takaw aksidente.
