Nagtaliwan eon sa pihak nga kanabuhi ro Hollywood actor nga si Leslie Jordan sa edad nga 67.
Suno sa kampo kara, nga naka-eksperyensya imaw it medical emergency samtang nagamaneho it andang saeakyan rason nga nabangga raya it actor sa sangka parte it edipisyo sa Hollywood.
Gilayon pa imaw nga gindaea sa ospital apang owa eon kara nasarangan pa ro fatal nga lastro nga anang naangkon.
Halin sa Chattanooga, Tennessee, nakilaea ro actor, wrtier, ag singer sa television series kapareho it Hearts Afire, Will & Grace ag American Horror Story.
Kat magpanaeasa ro COVID-19 pandemic hay naging social media sensation imaw bangud sa mga makabueo-bueo nga videos nga naging rason it pagtaas it anang followers halin sa 80,000 Instagram followers hay naging 5.8 milyon eon raya.
Nakaibahan man imaw sa mga pelikula kapareho it “The Help”, “Ski Patrol” ag maabu nga iba pa.
