Kaabuan sa mga museums sa Espanya partikular sa capital nga Madrid hay sarado kada Semana Santa.
Apang suno kay Bombo International Correspondent Maria Edsel Lamparero-Lopez it Spain nga maabu pa nga dapat nga obrahon ag makita sa nasambit nga nasyon sa makarondaya nga mga paniempo.
Kaabuan sigon sa mga pumueuyu ag turista hay nagabiyahe sa Sevilla, Spain kada Semana Santa bangud nga maabu sa mga simbahan at cathedrals hay nagapatigayon it special services ag events ag kaeabanan nga may mga prusisyon ag parade sa mga nagapangunang kalye.
Gindugang pa ni Lopez nga ro holy week hay sambilog sa mga manami nga i-selebrar sa Espanya bangud sa mga masadya nga musika ag floats nga may estatwa ni Mary ukon Jesus sa ginapatigayon nga prusisyon.
Sa sueod it sang domingo haeos punuan sigon ro mga shops ag restaurants sa Sevilla bangud nga ginakabig nanda raya nga pinaka importante nga festival it dag-on
Sa pihak nga parte, kapareho sa Pilipinas nga in-demand ro mga isda ag seafoods kada Holy Week, nagamahae man sigon ro presyo kara sa Espanya
Samtang, holiday man sa bilog nga Spain kada Huwebes Santo ag Biyernes Santo, kun sa siin, sarado ro mga opisina ag iba pang mga establisimento mag-eowas sa mga ospital ag iba pang taeatapan nga may importanteng obligasyon sa publiko .
