KALIBO, Aklan—Nag-uli it masobra sa P71,000 ag daywang ka cellphone nga nakabutang sa bag ro sangka tricycle driver sa Bombo Radyo Kalibo.
Suno kay Rudy Dela Cruz sa interview it Bombo Radyo Kalibo, naaywanan sigon it anang pasahero ro nasambitang bag kon siin ginpakamayad kara nga daehon sa taeatapan it radyo bangud kumpyansa sigon raya nga maibalik it bilog sa nagapanag-iya.
Dugang pa kara, uwa sigon imaw nagka-interes sa nasambitang kantidad it kwarta ag gadget bangud sa anang kahadlok sa Diyos ag uwa sigon raya naila nga madungisan ro anang marangal nga pagpangabuhi.
Samtang, matapos mabaton ro panawagan sa radyo hay gilayon nga nagpadueong ro tag-iya nga si Lynet Alcedo ag eubus nga nagpasaeamat sa tricycle driver kon siin ro nasambitang kwarta hay para sigon sa anang negosyo nga ginpadaea pa it anang onga nga nagatrabaho sa guwa it nasyon.
