Kalibo Aklan ————-Nagapadayun sa gihapon ro pagsipa it mga nailistang kaso it COVID-19 sa nasyon nga Hongkong.
Suno kay Bombo International Correspondent Vivian Imperial Reyes, tumandok it banwa it Malinao ag may 11 anyos eun nga nagatrabaho sa Hongkong nga haeos naga-abot eun it ap-at nga dominggo ro pagpatuman it mas hugot nga pagsinueondanan sa nasambitan nga nasyon.
Hasta makarun hay padayun ro pag-engganyo it andang gobyerno sa mga pomoeuyo nga magtinir anay sa andang panimaeay kung owa it importanteng pamanawon.
Samtang, ro mga OFW’s man hay ginabawaean nga magguwa it andang mga amo sa adlaw it andang day off.
Madumduman nga ko mga nagtaliwan nga adlaw eamang kat namatay ro Pinay OFW nga tumandok it Capiz ag nagatrabaho sa Hongkong matapos nga tinamaan it COVID-19.
Ginasugid nga imaw ro pinakaunang Pinay OFW nga namatay sa nasambitan nga nasyon bangud sa COVID-19.
