KALIBO, Aklan—Nabaton eon it masobra sa 50,000 nga mga nagtrabaho ko nagtaliwan nga Barangay and Sangguniang Kabataan Elections sa bilog nga region 6 ro andang honoraria.
Suno kay Comelec director Atty. Dennis Ausan nga ro tanan nga mga poll workers sa rehiyon hay natigayon eon nga mabayaran ko Nobyembre 11 pilang adlaw nga mas temprano sa gintaeana nga deadline nga Nobyembre 14.
Agud nga mapadasig sigon ro pagproseso sa payroll, gin abisuhan ro mga poll workers nga asikasuhon eagi ro andang mga nagakaigo nga documentary requirements.
Ginpasaeamatan man ni Ausan ro kooperasyon it tanan nga mga poll workers ag mga city ag municipal election officers sa maayos nga pag distribute it honoraria.
Nasayuran nga ro compensation para sa electoral chairpersons ag board members hay nagtaas nga halin sa P5,000 hay naging P6,000 ag P9,000 and P10,000.
Dugang pa nga nagtaas man makaron nga dag-on ro honoraria kumpara ko nagtaliwan nga eleksyon base sa Comelec Resolution No. 10727.