KALIBO, AKLAN — Nagtaas eon ro bayad sa mga kwarto it kaabuan sa mga hotel ag resort sa isla it Boracay bangud sa Semana Santa ag super peak season.
Suno kay Department of Tourism (DoT)-Boracay officer-in-charge Kristofer Leo Velete nga masami sigon nga nagabaton it reservations ro mga raya sang buean bago ro pagdumdum it Semana Santa//kaabuan sigon sa mga hotel rooms sa isla hay fully-booked eon.
Ro pinakamanaba sigon nga room rate nga may airconditioning unit hay P600 per person.
Samtang, gin pahayag kara nga bukas ro andang taeatapan sa Semana Santa agud magtao it bulig ag impormasyon sa mga turista hanungod sa mga aktibidades sa isla ag iba pang iga dangop nga problema.
Suno kay Vellete nga bago pa man magsueod ro Holy Week hay jampacked eon ro mga turista sa isla kun siin naga panguna ro Chinese, pangaywa ro Koreans ag pangatlo ro Taiwanese.
Gin pahayag dugang pa kara nga may pilang kwarto pa ro available para sa mga bisitang owa naka-advanced booking apang, sa mga resorts nga sa hanueod.
