Kalibo Aklan ——Ginkakasan it Department of Tourism (DoT) it akreditasyon ag Certificate of Authority to Operate ro sangka hotel nga ginasugid nga ginhiwatan it “despedida” party para kay Bureau of Fire Protection (BFP) Regional Dir. F/SSupt. Roderick Aguto sa Isla it Boracay.
Halin sa siyam eon nga hotel ag resort nga ginpasugtan nga mag-operate sa pagbukas it Boracay para sa mga turistang taga-Western Visayas halin Hunyo 16, nabawasan raya it sambilog.
Paathag it ahensya, ro akreditasyon hay sangka pribilehiyong ginatao sa mga nagakadapat nga tourism enterprise, apang pwede nanda raya nga bawion kon mapamatud-an uwa nagasunod sa minimum standards para sa operasyon it tourism facilities ag services.
Nasayuran nga samtang uwa pa nakabukas ro Isla para sa mga turista, nagsueod ro 28 personnel it BFP-6 sa Boracay sa pagpanguna ni F/SSupt. Roderick Aguto ko Hunyo 12 ag naghalin ko Hunyo 14 kat masayuran ro resulta it RT PCR test it babayeng bumbero nga infected imaw it COVID 19.
