BALITANG Espesyal — Gina-istoryahan it netizens sa Japan ro angot sa legal dispute sa tunga it sangka hotel ag andang guest bangud nga gingamit kara ro electric kettle it hotel room agud nga mag-eaha it alimasag!
Ginasukot it owa ginpangaeanan nga hotel it kantidad nga 40,000 yen ro sambilog sa naging guest nanda bilang danyos sa gin-aywan nga maeansang hugum kara sa hotel room.
Suno sa hotel, pilang adlaw ro gin-ubos nanda agud nga maduea it eubusan ro hugum it alimasag sa gin-rentahan nga hotel room.
Bangud kara, owa nanda raya hapagamit sa ibang guests rason nga ginkalugi raya it andang hotel.
Nagpamalibad nga magbayad ro guest bangud nga owa imaw nagapati nga ginkalugi it hotel ro anang gin-obra .
Agud nga matapos eon ro demandahan, ginpapanaog it hotel sa kantidad nga 22,000 yen ro ginpangayo nanda nga compensation.
Nagpamalibad sa gihapon nga magbayad ro guest ag ginpanindugan nga owa imaw it gin-obra nga saea bangud nga owa man sigon it may naghambae kana nga ginabawae ro pag-eaha it alimasag sa hotel room .
Sa makaron hay owa pa it nakasugtan ro magtimbang nga parte .
