Gindihon eon ni Las Piñas Rep. Camille Villar ro House Bill 6543.
Tuyo kara nga magtao it insurance, benefits ag “Tax-Exempted Hazard Pay” sa tanan nga media workers, regular man, kontraktuwal ukon freelancer.
Kaibahan sa mga mabaton engkaso man nga maging laye ro Bill hay Disability Benefit nga Php 350,000 sa tanan nga media workers nga maka-angkon it total ukon partial disability samtang sa trabaho;P300,000 death benefits para sa mga mamatay sa trabaho; Php 200,000 reimbursement it actual medical costs para sa tanan nga mga ma-ospital ukon magakinahangean it medical assistance samtang nagatrabaho; tax-Exempted Hazard Pay nga katumbas ukon indi magnaba sa 25% nga Monthly Gross Basic Salary kada iga-deploy sa calamity affected areas, conflict areas, lugar nga may maeapnagon nga masakit ag iba pang peligrosong lugar.
Pila man sa ginabaeawan sa hagna ro pabalibad ukon kapaseawan it media entities nga magtao it dugang nga Insurance Coverage ag hazard pay ukon pagbalibad it insurance companies nga i-enroll ro mga mamahayag ag empleyado it mass media entities ag freelance journalists.
Samtang, pagamultahon man it indi magnaba sa Php 300,000 ag posibleng makulong it isa hasta an-um nga dag-on ro mga maga-eabag engkaso nga mapamatud-an nga nagkasaea.
