Nakikipag-angot makaron ro House Committee on Aquaculture and Fisheries Resources sa Bureau of Fisheries and Aquatic Resources (BFAR) agud masiguro nga padayon nga mataw-an it bulig it ahensiya ro mga mangingisda sa West Philippine Sea.
Tuyo man kara nga masigurong nga epektibong naga-asiste raya sa coast guard ag militar sa pagtao it proteksiyon ag suporta sa mga Filipinong mangingisda.
Suno kay Bicol Saro Partylist Representative Brian Raymund Yamsuan, kapin sa 35,000 nga mangingisda ro naka depende sa kaeawran it West Phil Sea nga raya ro andang pangabuhian rason nga nagakadapat eamang nga protektahan ro mga raya kontra sa mga delikadong aksiyon it China Coast Guard sa ginaagawang kaeawran.
Gin-insister dugang it Kongresista nga uwa it epekto ro “no-trespassing” it Beijing sa produksiyon it isda sa nasyon bangud nga uwa ginakilaea ro unilateral ag baseless nga deklarasyon.
