Haum eon ro bilog nga House of Representatives para sa kauna-unahan nga state of the nation address (SONA) ni Pangueong Ferdinand “Bongbong” Marcos Jr. sa Lunes, Hulyo 25,2022.
Raya hay apisar nga may sangkiri nga fine tuning eon lang nga igapatigayon.
Ginpahayag ni House Secretary General Mark LLandro Mendoza nga may sangkiri nga physical nga pagbag-o sa sueod it plenary rason nga raya hay makabig nga surpresa sa tanan.
Ginaeauman nga gaabot sa kapin 1,300 ro mga bisita sa SONA kaeakip eon ro mga dating pangueo, pangaywang pangueo, mga senador ag miyembro it diplomatic corps.
Sa makaron, supo pa kay Mendoza, kapin sa 80% eob it mga gin-imbitahan ro nagtao it kunpirmasyon nga magatambong sa Lunes kaeakip eon si dating Pangueong Joseph Estrada Ag Gloria Macapagal Arroyo.
Kung siin, para sa mga magatambong, kinahangean magpakita it negative RT PCR test result, vaccine card ag ro nasambit nga imbitasyon.
Ginpahayag man ni Mendoza nga magka-angkon it bubble area ag raya hay ro main building it HOR, ro north wing ag south wing.
Tanan sigon nga bisita nga maga-agto sa bubble area hay kinahangean man sa gihapon magpakita it negative rt pcr test result nga naboue at least 24 oras antes ro SONA.
Samtang, owa pa sa makaron it desisyon kung magapatigayon pa it antigen test sa mga bisita sa mismong adlaw it SONA.
Sa pihak nga parte, pag-abot sa seguridad kapin sa 21,000 security personnel ro iga-deploy sa mismong adlaw it SONA para siguraduhon ro seguridad it tanan.
