Ginbulgar it House Prosecution Panel nga umabot sa P4.4 bilyon ro kabilugang covered ag suspicious transactions nga naireport sa Anti-Money Laundering Council (AMLC) nga may kaangtanan sa mga account it Duterte-Carpio.
Suno kay impeachment team adviser Robert Ace Barbers, uwa nagakahueogang P4.4 bilyon ro kabilugang manggad it pamilya Duterte-Carpio.
Suno kana, raya ro kabilugang haega it mga transaksyong ginreport it mga covered institutions sa AMLC.
Kaibahan kara ro cash withdrawals, time deposits ag dollar transactions nga nakapangaean sa pilang miyembro it pamilya.
Gin-insister pa ni Barbers nga uwa pa kara ginapamatud-an nga may krimeng nahimo, apang kinahang-ean sigon nga maipaathag ro mga transaksyon bago ipaatubang sa prosecution ro mga ebidensya sa impeachment court.
