Nagpahayag it kumpiyansa ro House prosecution panel nga insigida nga magapadayon ro impeachment trial kontra kay VP Sara Duterte matapos pormal nga magtipon ro Senate of the Philippines bilang impeachment court.
Suno kay lead prosecutor ag Batangas Rep. Gerville “Jinky Bitrics” Luistro, uwa it legal nga hadlang sa pag-umpisa it pagbista bangud uwa sigon it ginpaguwa nga temporary restraining order ro Supreme Court of the Philippines.
Ginpunto man nga ro mandu it Konstitusyon nga “forthwith” hay nagakahuwugan it insigidang pag-umpisa it trial, kaibahan ro presentasyon it ebidensya ag testigo.
Ginklaro it prosecution panel nga posibleng magpadayon ro proseso maskin indi magsabat ukon magtambong ro akusado, bangud ginakabig rayang plea of not guilty base sa rules it Senado.
