Ginkwestyon it mga miyembro it House prosecution panel ro ginsumite nga sabat ni Vice President Sara Duterte sa Articles of Impeachment matapos sigon nga uwa kara direktang ginsolusyunan ro mga alegasyong nakabaehag sa reklamo.
Suno sa mga prosecutor, naka-pokus ro sabat it Bise Presidente sa mga isyung teknikal ag mga istoryang konstitusyonal nga nakahathat eon sa Korte Suprema, imbes nga atubadngon ro mga pasibangud kapareho it mali sigon nga paggamit it confidential funds, indi mapaathag nga yaman, pagpanuhoe, ag grave threats.
Ginpunto man it prosecution panel nga pagabaeabagan nanda ro hinyo nga ibasura ro impeachment case, bangud nakabaehag sa Konstitusyon ag Senate impeachment rules nga dapat rayang mag-agi sa pabista antes mag-angkon it sintensya nga conviction ukon acquittal.
Ginatun-an man it House prosecution kun magasumite sanda it pormal nga sabat sa sabat ni Duterte samtang nagapadayon ro pagpahaom para sa masunod nga yugto it proseso it impeachment.
