KALIBO, Aklan—Owa it naging problema ro mga kongresista sa term sharing nanday Taguig City Rep. Alan Peter Cayetano ag Marinduque Rep. Lord Alan Velasco.
Suno kay Aklan 1st District Cong. Carlito Marquez nga sa ginpatigayon nga breakfast meeting ko Lunes, ginkasugtanan it nagkaeain-eain nga grupo nga sundon ro gin-endorso ni Pangueong Rodrigo Duterte.
Si Senador Cayetano hay nailihir bilang bag-ong house speaker sa pagbukas it 18th Congress.
Nakabo-oe imaw it 266 nga boto samtang 28 eamang ro boto nga nabo-oe ni Manila Cong. Benny Abante.
May una nga daywang nag-abstain.
Nasayuran nga sanday Cong. Marquez ag Aklan 2nd District Cong. Teodorico Haresco hay sambilog sa mga nagboto kay Cayetano.
Bangud nga may ginkasugtanan nga term sharing, ginaeauman nga makataliwan ro 15 buean hay maga-resign bilang house speaker si Cayetano.
Uman nga magapatawag it eleksyon nga kon sa siin iga-ilihir man si Velasco.
Samtang si Leyte 1st District Rep. Martin Romualdez ro nailihir bilang house majority leader.
