KALIBO, Aklan–Umarangkada eon ro dag-unan nga mass anti-rabies vaccination it Agricultural Services Division it lokal nga gobyerno it Kalibo.
Suno kay Dra. Jana Rose Nepomuceno, Veterinarian I it Agricultural Services Division nga sanda mismo ro personal nga naga-adto sa kada barangay para magpatigayun it house-to-house vaccination kontra sa rabies.
Raya hay kaparte it andang adbokasiya para sa responsableng pet owners partikular sa mga alagang ayam ag kuring.
Ro bakuna kontra rabies hay libreng ginatao kung siin kinahang-ean eamang nga nakarehistro ro mga alagang sapat.
Base sa naga-eksister nga Municipal Ordinance, kinahang-ean nga ipa-rehistro ro alagang ayam ag kuring para makapasakop sa programa it gobyerno.
Naga-isyu man sigon sanda it vaccination certification ukon animal health card nga nagabalor it P70 samtang ro registration hay P50.
Ro mga barangay nga tapos eon nanda nga adtunan hay ro Tigayon, Poblacion, News Buswang, Old Buswang ag Estancia.
Samtang, may gintaeana eon man sigon sanda nga schedule it pagbakuna sa mga nabilin nga mga barangay.
